Ég er nú ekki búin að vera sú duglegasta í blogginu uppá síðkastið
Bæti úr því!
Ég fór í spinning í síðustu viku á fimmtudaginn og ómygod hvað það var geggjað! Mun svo sannarlega fara aftur og ég ætla mér að fjárfesta í silikon-hnakki því að ég var að drepast í rassinum eftir þennan tíma
En ég hef ekki farið neitt í ræktina í þessari viku ég fór nefnilega í leghálsspeglun og sýnatöku í gær og á samkvæmt læknisráði ekki að taka rosalega mikið á næstu 7daga.
Þannig að út þessa viku þá er það bara matarræðið+gönguferðir hjá minni
Fæ svo að vita eftir ca.10daga hvort að ég þurfi að fara í aðgerð eða ekki ... úff ég þoli ekki svona bið!!
En ég vona að það verið bara allt í lagi hjá mér

Jæja gangi ykkur öllum samt sem áður alveg rosalega vel!!!

Og ég skrifa ykkur fljótlega aftur
Knús

Við vinkonurnar fórum í ræktina í gær og ætluðum svo í geggjaðan spinning tíma sem að okkur hefur svo langað til þess að fara í sem að heitir RPM-tími ennnn við vorum of seinar vorum á svolitlum bömmer því að þetta hljómaði eins og alveg ótrúlega skemmtilegur tími! Það voru alveg slökkt ljós, brjáluð tónlist og skemmtilegur kennari sem að hvatti fólkið áfram .. En í staðin tókum við brennslu á skíðatækinu og slúðruðum en svo þegar við fórum af skíðatækinu þá vorum við eins og illa gerðir hlutir haha ég veit ekki hvað gerðist en við vorum svo andlega fjarverandi að það er ekki fyndið!!
Þannig að við tókum nettar fótaæfingar+hendur+magaæfingar og sögðum það bara gott

Ég er búin að vera alveg ágætlega dugleg að laga matarræðið mitt, ég er hætt að borða nammi og kók eins og ég gerði uppá dag! Núna fæ ég mér bara nammi á laugardögum/kvöldum og það gengur bara svona þrusu vel það er eins og þegar maður byrjar að hreyfa sig og vera meira aktífur þá hættir maður að vilja svona óhollustu eins mikið og maður vildi .. það gerðist allavegana í mínu tilfelli! 

En vá hvað ég er orðin háð grænu tei! Ég hugsa að það sé samt miklu betra að drekka það heldur en orkudrykkina sem að ég var orðin sjúk í, eins og t.d. Euroshopper orkudrykkurinn ... svona rétt áður en að ég byrjaði í átakinu mínu þá vaknaði ég ekki fyrr en að ég var búin að fá mér orkudrykk og tók oft 2-4 með mér í vinnuna og stútaði þeim mjög fljótt Ekki cool ég veit!
En ég er búin að vera að spá í þessu Oolong og Phuer tei ... það hljómar nokkuð vel, fyrir utan þetta ógeðisbragð sem að fólk talar um ... en hey öllu er hægt að venjast

Endilega sendið mér línu ef að þið hafið prófað þessi te
Og bara sendið mér línu yfir höfuð alltaf gaman að heyra í ykkur!

Heyrumst seinna

Þá er þessi vika á enda komin. Ég var nú ekkert svo rosalega dugleg að fara í ræktina en ég fór 2 sinnum þessa vikuna
Fór svo út í 1oghálfs til 2tíma kraftgöngu með Púka (hundinn okkar) 2 sinnum í vikunni líka áður en að ég mætti í vinnuna, en ég er á kvöldvakt þessa vikuna í vinnunni
En næsta vika mun vera miklu fjölbreyttari og mikið um að vera því að við vinkonurnar ætlum að fara á hverjum degi í ræktina í tíma! Bara alveg ótrúlega gaman
Vorum akkurat að velja okkur tímana sem að við ætlum í bara núna rétt áðan og mér datt í hug að birta þá hérna líka

Ræktin vikuna 18-22janúar

Mánudag : RPM-tími kl.17:30
Þriðjudag : Ég mun ekki fara í ræktina þann daginn er plönuð á annan stað
Miðvikudag : Boxbrennsla kl.18:40
Fimmtudag : Body Pump kl.17:30
Föstudag : Body Attack kl.17:30

Og svona til þess að sýna ykkur hvaða tímar þetta eru þá tek ég lýsingarnar af www.hress.is og bæti þeim líka hérna inn


Boxbrennsla
Ég hugsa að lýsingin á tímanum segi sig bara alveg sjálft

BodyPump
Bodypump, fljótasta leið í heimi til að komast í form.

BODYPUMP er vinsælasti hóptími í heimi þar sem lóð og stangir eru notaðar
til þess að styrkja og tóna vöðvana. Tímar fullir af orku og hvatningu. BODYPUMP er fyrir bæði konur og karla, byrjendur sem lengra komna. Engin hopp eða högg á líkamann, aðeins hörku átök þar sem léttar stangir með lóðum eru notaðar. Þú stjórnar sjálfur þyngdinni á lóðunum. Unnið er með alla stóru vöðvahópana. "Þú myndir aldrei taka svona vel á því í tækjasalnum"

BodyAttack

BodyAttack- 55 minútna þolfimi með lotuæfingum, þar sem settar eru saman þol- og styrktaræfingar. Tími fyrir þá sem vilja virkilega komast í gott form. Mikil brennsla. Þetta er tími sem við mælum með fyrir þá sem eru í þokkalegu og eða, góðu formi.


Hvernig líst ykkur á þessa dagskrá?
Er hún ekki bara fín ásamt góðu og hollu matarræði!

Hlakka til þess að heyra hvað ykkur fynnst!

Knús&kram
Og góða helgi

Fór í ræktina núna í hádeginu og mikið ofboðslega var gaman að sprikla þarna og sprella með ipodinn sinn í eyrunum ... Ahhh kom svo heim, batterýin full hlaðin og dreif mig í sturtu!

Ég fór á vigtina í ræktinni og viti menn ég er bara búin að léttast! veiiii

Ég var fyrir viku síðan 83.4kíló
En í dag er ég 82.9kíló

Ég er semsagt búin að missa 500gr sem að er bara flott!
Hefði auðvitað viljað missa meira en hey vigtin er allavegana á réttri leið ... Niðurleið!

Skrifa ykkur kannski aftur í kvöld!

Kær kveðja
Ein brosandi út að eyrum

Jæja þá er bara komin ný vika! Ég ætla mér að fara í ræktina á hverjum degin þessa vikuna og massa þetta!
Ætla mér að fara í Hot yoga, Yoga og var að spá í að fara í stöðvaþjálfun en það kemur bara í ljós hvað gerist ... Hinn helmingurinn minn í ræktinni er að byrja í skóla og dagskráin er þétt setin þar þannig að við munum bara fara í ræktina saman aðra hvora vikuna og kannski getum við farið nokkrum sinnum alveg eldsnemma þegar ég er á kvöldvakt en þetta er bara stuð!
Ég missti mig ekkert ofaní nammipokann núna um helgina ... og er bara mjög stolt af því!
Fékk mér smá nammi með kúri og videoglápi með kallinum á laugardagskvöldið og svo var tvöfalt afmælisboð hjá systur minni og kallinum hennar á sunnudaginn en ég bað kallinn minn um að fylgjast með mér og ýta aðeins við mér ef að ég myndi fara að gúffa eitthvað í mig! Sem að gerðist ekki jejjjj fór meira að segja bara sæmilega södd heim á leið eftir afmælið. Það er líka búinn að vera mjög stór ókostur á mínu matarræði! Ég er kannski ekkert að borða svo gífurlega óhollt en ég þarf alltaf að klára af disknum (svona oftast) og ég verð alltaf líka svo ótrúlega södd að mig langar liggur við til þess að leggjast í sófann og hneppa frá ... ógeðslegt! Og ég borða alveg sjúklega hratt veit ekki afhverju ég geri það en það er eins og einhver sé að fara að taka matinn af mér eða eitthvað og ég þarf að flýta mér að borða hann (vá hvað þetta hljómar kjánalega) en ég er að taka á þessu líka og er byrjuð að borða miklu hægar og njóta matarins
Svo er ég ekki búin að drekka dropa af kóki síðan á mánudaginn síðasta og mér líður bara frábærlega með það! Svo ætla ég að stefna á það að hætta að reykja líka bráðlega ... sko alveg kominn tími til þess! Kallinn minn fór út í 10-11 í gær og keypti marlboro mjúkan á 919kr ég átti bara ekki til orð! En ég er búin að minnka reykingarnar mínar alveg rosalega mikið ... ég reyki svona 5-6sígarettur á dag og ég var alveg komin í pakka á dag á tímabili! En ég nenni þessu ekki lengur og er að minnka jafnt og þétt við mig Þetta skal og mun ganga!

Jæja þá er þetta bara komið nóg í bili hugsa ég

Ég ætla að reyna að blogga á hverjum degi/kvöldi

Skrifa ykkur eitthvað sniðugt á morgun!

Ég fór ekki í ræktina í gær því daginn áður var ég að taka tvöfaldavakt í vinnunni og hafði bara ekki orkuna til þess að skutla mér í ræktina í gær! Og svo ætlaði mín í Yoga í dag en neeiii ég er að verða eitthvað lasin ... var send heim úr vinnunni því að stjóranum mínum leist ekkert á mig ég nenni ekki að verða lasin og ég hef svo sannarlega ekki tíma til þess! Þannig að ég er bara búin að ákveða það og þrjóskast við þá ákvörðun að ég ætla að vera orðin hress á morgun!

En annars er allt bara búið að ganga rosalega vel! Sætindalöngunin er eiginlega farin .. og ég sem að drakk svona líter til 2lítra af kóki á hverjum degi og borðaði alltaf eitthvað sykrað líka einhverntímann yfir daginn, sérstaklega á kvöldin eftir matinn! En það eina sem að er að vefjast fyrir mér er að ég þarf að finna mér eitthvað gott matarprógramm!!!
Ekki er einhver þarna sem að á gott matarprógramm fyrir mig??
Það væri vel þegið

En jæja ætla að fara að enda þetta og fara að leggja mig!

Við sjáumst

Þá er ég búin að mæla mig og ætla að skella tölunum hérna inn

Mittismál : 90cm
Lærismál : 66cm
Upphandleggir : 38cm
Mjaðmamál : 106cm
Brjóstmál (mínus brjóstahaldari) : 100cm

Þetta er allt frekar gróflega mælt en samt gott að hafa þessar mælingar við höndina þegar það fer að saxast á átakið mitt

Ég fæ aðstoð hjá kallinum mínum á morgun og ath hvort að ég hafi ekki gert þetta alveg rétt!

Annars fór ég í svo skemmtilegan og erfiðan tíma áðan hjá Hress! Hann heitir Body Pump og er tími þar sem lóð og stangir eru notaðar og ég veit það að ég mun fara í þennan tíma aftur! Svo skemmtilegar æfingar og skemmtileg og hávær tónlist sem að maður gat dillað sér með, bara frábært!
Og ég er byrjuð að finna fyrir æðislega frábæru harðsperrunum! Jejj þá er eitthvað að gerast haha!

Ég tala við ykkur seinna
Bless í bili!

Þá er ég komin heim úr ræktinni og vá hvað það var ljúft að vera mætt aftur
Ég og vinkona mín fórum í Yoga/Hot Yoga og það var æðislegt! Mæli eindregið með þessum tíma og ég ætla svo sannarlega aftur!

En ég vigtaði mig líka í ræktinni og úff ég er 83,4kg var ekkert rosalega ánægð með þessa tölu! En ég ætla og ég skal taka af mér 15-20kíló! Ég ætla að taka þetta á 6mánuðum ég er 168cm og ef að ég næ af mér 15-20kílóum þá er ég komin í kjörþyngdina og verð alveg súper ánægð!

Ég er að vísu ekki búin að mæla mig (ummálið og þannig) en ég mun redda því á morgun fyrir ykkur og mig

Ég ætla að fara út að labba með hundinn og svona, vildi bara láta ykkur vita markmiðið mitt og kílóafjöldann

Þangað til næst ... eigið rosalega gott kvöld!

Jæja þá er maður að fara að byrja í ræktinni í dag og átakið er byrjað ég hef bara rosalega góða tilfinningu fyrir þessu öllu saman! Við vinkonurnar ætlum sko ekkert að ráðast á garðinn þar sem að hann er lægstur haha við erum að fara í 75mín tíma í Hot Yoga í dag! Mig hefur langað til þess að prófa þetta svo lengi og núna ætla ég að láta á þetta reyna! Svo ætlum við að fara hugsanlega á miðvikudaginn í RPM-tíma, getið lesið um þennan tíma hérna ef að þið hafið áhuga www.hress.is en þetta er þolþjálfunartími sem að eyðir kaloríum á met tíma .. semsagt skemmtilegur spinningtími .. úff og púff haha ég er strax komin með fiðring í magann en þetta verður bara stuð! Svo er ég að hugsa um það að kíkja í Yoga á föstudaginn, mig hefur alltaf langað til þess að prófa það þótt að það sé ekki beint alveg brjáluð brennsla og þolfimi en ég hugsa að ég hefði bara rosalega gott af því, ég er nú óttarlegur stressbolti og stressast upp af minnsta tilefni 
En ég blogga aftur í kvöld í sambandið við það hvað ég er þung og hvað ég vil léttast mikið  

Eigið alveg rosalega góðan dag í dag

Jæja eins og fyrirsögnin hérna að ofan og á allri síðunni yfir höfuð bendir til þá er þetta Átaksbloggið mitt ég er að fara að byrja í ræktinni á morgun með góðri vinkonu minni og okkur hlakkar alveg rosalega mikið til! Ég er alveg sú manneskja sem að þarf aðra manneskju með mér allavegana svona til þess að byrja með því annars svík ég alltaf sjálfa mig og hugsa æj ég fer bara á morgun ömurlegt að gera sjálfri sér þetta alltaf aftur og aftur en ég ætla mér að breyta þessu!
Ég hef alveg rosalega góða tilfinningu fyrir morgundeginum og bara öllu árinu Ég fór að hugsa um það hvað ég væri þung því að það væri auðvitað frábær byrjun að setja inn hvað ég er þung og hvað ég vil ná mörgum kílóum í burtu en ég á bara enga vigt þannig að vigtunin verður bara að bíða þangað til að ég fer í ræktina á morgun eftir vinnu en ég hugsa nú að ég verði að fjárfesta mér í vigt víst að ég er að fara að gera þetta af fullum krafti!
Það eina svona sem er að vefjast svolítið fyrir mér er það að ég á svo erfitt með að finna mér einhver góð matarprógrömm og svona ekki lumi þið nokkuð á einhverjum sniðugum matarprógrömmum eða einhverju svoleiðis? Það væri alveg vel þegið

En ég skelli inn "hræðilegu" tölunum á morgun úff haha

Þangað til þá hafið það rosalega gott!

Kær kveðja
Siljah